ആഗോളതലത്തിൽ ജനകീയനായി ഗൂഗിൾ ക്രോം.

ലോകം മുഴുവൻ കൂടുതൽ ആളുകൾ ഉപയോഗിക്കുന്ന ഡെസ്ക്ടോപ്പ് ബ്രൗസറായി ഗൂഗിൾ ക്രോം തെരഞ്ഞെടുക്കപ്പെട്ടു. അനലറ്റിക്സ് സേവനമായ സ്റ്റാറ്റസ് കൗണ്ടറിന്റെ കഴിഞ്ഞ ഒരു വർഷത്തെ റിപ്പോർട്ടാണ് ക്രോമിനെ നേട്ടത്തിന് അർഹനാക്കിയത്. ആപ്പിളിന്റെ സ്ഥാരി ബ്രൗസറാണ് തൊട്ടുപിന്നിൽ. ആഗോളാടിസ്ഥാനത്തിൽ ഡെസ്ക്ടോപ്പ് ഉപഭോക്താക്കളിൽ 66.13% പേർ ഗൂഗിൾ ക്രോം ഉപയോഗിക്കുന്നവരാണ്. ഇതിൽ 11.87 % പേർ മാത്രമാണ് സ്ഥാരി ബ്രൗസറിനെ  ആശ്രയിക്കുന്നത്.

പട്ടികയിൽ മൂന്നാമതുള്ള മൈക്രോസോഫ്റ്റ് എഡ്ജ് ബ്രൗസർ ഉപയോഗിക്കുന്നവർ 11%  മാത്രമാണ്. നാലാമത് നിൽക്കുന്ന ഫയർ ഫോക്സ് 5.65% വും അഞ്ചാമത്തെ ഒപേര ബ്രൗസർ 3.09% മാണ് ഉപഭോക്താക്കൾ.0.55% ആളുകൾ ആറാം സ്ഥാനത്തുള്ള ഇന്റർനെറ്റ് എക്സ്പ്ലോറും ഉപയോഗിക്കുന്നവരാണ്.

എന്നാൽ ഇന്ത്യയിൽ സ്ഥിതി ഇതിൽ നിന്ന് ഏറെ വീപരിതമാണ്. ലോകത്ത് കൂടുതൽ പേർ ഉപയോഗിക്കുന്ന ഗൂഗിൾ ക്രോം 90.04% പേർ ഉപയോഗിക്കുന്നതിലൂടെ ഇന്ത്യയിലും ഒന്നാം സ്ഥാനത്താണ്.3.64% പേർ ഉപഭോക്താക്കളായ മോസില്ല ഫയർഫോക്സാണ് രണ്ടാമത്. മൂന്നാമത് 3.48% ഉപയോഗിക്കുന്നവരുമായി എഡ്ജ് ബ്രൗസർ. നാലാം സ്ഥാനത്ത് ഒപേര ബ്രൗസർ 1.19% പേർ ഉപയോഗിക്കുന്നു. ആഗോളതലത്തിൽ രണ്ടാം സ്ഥാനത്തുള്ള ആപ്പിൾ സ്ഥാരിയ്ക്ക് ഇന്ത്യയിൽ 1.01% ഉപഭോക്താക്കളെ യുള്ളൂ. ആറാം സ്ഥാനത്തുള്ള 0.11% വും ഇന്ത്യയിലും അതേ നിലയിലാണ്....

IMAGE SOURCE : Google