2023 ഏപ്രിൽ 1-ന്, "ലെഗസി പരിശോധിച്ചുറപ്പിച്ച ചെക്ക്മാർക്കുകൾ" നീക്കം ചെയ്യുമെന്നും ഉപയോക്താക്കൾക്ക് 'ബ്ലൂ ടിക്ക്' നിലനിർത്തണമെങ്കിൽ, അവർ Twitter Blue-ലേക്ക് സബ്‌സ്‌ക്രൈബ് ചെയ്യണമെന്നും ട്വിറ്റർ അറിയിച്ചു. ട്വിറ്ററിന്റെ ഉടമസ്ഥത ഏറ്റെടുത്തതിന് ശേഷം എലോൺ മസ്‌ക് എടുത്ത ആദ്യത്തെ പ്രധാന തീരുമാനങ്ങളിലൊന്നാണ് ട്വിറ്റർ ബ്ലൂ ടിക്കുമായി ബന്ധപ്പെട്ടുള്ള തീരുമാനം, ഒരു ഉപയോക്താവ് 'ബ്ലൂ ടിക്ക്' വാഗ്ദാനം ചെയ്യുന്ന പണമടച്ചുള്ള സേവനം തിരഞ്ഞെടുക്കുകയാണെങ്കിൽ ദൈർഘ്യമേറിയ ട്വീറ്റുകൾ എഡിറ്റ് ചെയ്യാനും പോസ്റ്റുചെയ്യാനുമുള്ള സൗകര്യം ഇത് വഴി ആ ഉപഭോക്താവിന് ലഭിക്കും.
ലെഗസി വെരിഫൈഡ് ചെക്ക്‌മാർക്കുകളിൽ ഭൂരിഭാഗവും അഴിമതിയിലൂടെ നേടിയതാണെന്നും അവ നീക്കം ചെയ്യുമെന്നും ഒടുവിൽ അദ്ദേഹം അറിയിച്ചു. പഴയ പ്രക്രിയയിലൂടെ Twitter-ന്റെ പരിശോധിച്ചുറപ്പിച്ച ചെക്ക് മാർക്കുകൾ നേടിയ ഓർഗനൈസേഷനുകൾക്കും, ശ്രദ്ധേയരായ വ്യക്തികൾക്കും , അവരുടെ ചെക്ക്മാർക്കുകളും നഷ്‌ടപ്പെടും. ഇത് ഇനിയും വേണമെങ്കിൽ Twitter-ന്റെ “Verified Organizations" സേവനത്തിലേക്ക് സബ്‌സ്‌ക്രൈബ് ചെയ്യണം. സബ്‌സ്‌ക്രിപ്‌ഷന് പ്രതിമാസം $1,000 ചിലവാകും. യുണൈറ്റഡ് സ്‌റ്റേറ്റ്‌സിൽ സ്ഥിതി ചെയ്യുന്ന ഓരോ അധിക അഫിലിയേറ്റിനും അധികമായി $50 കൊടുക്കേണ്ടതായി വരും.