ആപ്പിൾ അതിന്റെ ഇൻ-ഹൗസ് വൈ-ഫൈ ചിപ്പിന്റെ വികസനം താൽക്കാലികമായി അവസാനിപ്പിച്ചതായി റിപ്പോർട്ട്. സ്വന്തം വൈ-ഫൈ ചിപ്പ് വികസിപ്പിക്കാനുള്ള ടെക് ഭീമന്റെ ശ്രമങ്ങൾ ബ്രോഡ്‌കോമിന്റെ വൈ-ഫൈ ചിപ്പ് ബിസിനസിനെ പ്രതികൂലമായി ബാധിക്കുമെന്ന് പല നിക്ഷേപകരും ആശങ്കാകുലരാണ്, അനലിസ്റ്റ് മിംഗ്-ചി കുവോ തന്റെ ഒരു ഒരു ബ്ലോഗ്‌പോസ്റ്റിൽ ഇക്കാര്യം കുറിച്ചിരുന്നു. കുവോയുടെ അഭിപ്രായത്തിൽ, ലോകത്തിലെ തന്നെ ഏറ്റവും നൂതനമായ 3nm പ്രോസസറുകൾക്ക് 2023-2025-ൽ വൻതോതിലുള്ള ഉൽപ്പാദനത്തിൽ സുഗമമായി പ്രവേശിക്കാൻ കഴിയുമെന്നും, കൂടുതൽ അപ്ഡേറ്റുകളും ശക്തിയും ഉറപ്പാക്കാൻ കമ്പനി അതിന്റെ ഭൂരിഭാഗം ഇന്റഗ്രേറ്റഡ് സർക്യൂട്ട് (IC) ഡിസൈൻ ഉറവിടങ്ങളും പ്രോസസറുകളുടെ വികസനത്തിൽ കേന്ദ്രീകരിച്ചു. ഇതിലൂടെ മുൻഗാമികളെ അപേക്ഷിച്ച് ഉപഭോഗം ഗണ്യമായി മെച്ചപ്പെടുത്താൻ കഴിയും.
