ആപ്പിൾ ആരാധകർക്ക് ഒരു സന്തോഷവാർത്തയാണ് പുറത്ത് വന്നിരിക്കുന്നത്. യുഎസ് ആസ്ഥാനമായുള്ള ടെക് കമ്പനിയായ ആപ്പിൾ, അടുത്ത വർഷം "കാർബൺ ഫൈബർ കിക്ക്‌സ്റ്റാൻഡ്" ഉള്ള ആദ്യത്തെ മടക്കാവുന്ന ഐപാഡ് അവതരിപ്പിക്കാൻ പദ്ധതിയിടുന്നതായി റിപ്പോർട്ട്. "2024-ൽ ഇറങ്ങാൻ പോകുന്ന മടക്കാവുന്ന ഐപാഡിനെക്കുറിച്ച് പോസിറ്റീവ് മറുപടിയാനുള്ളതും, ഈ പുതിയ മോഡൽ കയറ്റുമതി വർദ്ധിപ്പിക്കുകയും ഡിവൈസുകളോടുള്ള ആളുകളുടെ താൽപ്പര്യം മെച്ചപ്പെടുത്തുകയും ചെയ്യുമെന്ന് പ്രതീക്ഷിക്കുന്നു." എന്ന് ജനപ്രിയ അനലിസ്റ്റ് മിംഗ്-ചി കുവോ മൈക്രോ-ബ്ലോഗിംഗ് പ്ലാറ്റ്‌ഫോമായ ട്വിറ്ററിലൂടെ പറയുകയുണ്ടായി.
ഏറ്റവും പുതിയ സർവേ സൂചിപ്പിക്കുന്നത് അനുസരിച്ച് മടക്കാവുന്ന ഐപാഡിൽ ഒരു കാർബൺ ഫൈബർ കിക്ക്‌സ്റ്റാൻഡ് ഉണ്ടായിരിക്കുമെന്നാണ് കരുതുന്നതെന്നും. കാർബൺ ഫൈബർ മെറ്റീരിയൽ കിക്ക്‌സ്റ്റാൻഡിനെ ഭാരം കുറഞ്ഞതും കൂടുതൽ മോടിയുള്ളതുമാക്കും," എന്നും അദ്ദേഹം കൂട്ടിച്ചേർത്തു. ഐപാഡ് കയറ്റുമതിയിൽ വർഷാവർഷം (YoY) 10-15 ശതമാനം ഇടിവ് ഉണ്ടാകുമെന്നും അദ്ദേഹം പ്രവചിച്ചു. കൂടാതെ, അടുത്ത 9-12 മാസത്തിനുള്ളിൽ ഐഫോൺ നിർമ്മാതാവ് പുതിയ ഐപാഡ് പുറത്തിറക്കിയേക്കില്ല, കാരണം “ഐപാഡ് മിനി അടുത്ത വർഷം ആദ്യ പാദത്തിൽ വൻതോതിൽ ഉൽപ്പാദനം ആരംഭിക്കാനുള്ള സാധ്യത കൂടുതലാണെന്നും” എന്ന് കുവോ പറഞ്ഞു.
Image Source : Google
